Apartamenti është i organizuar në një sallon ndenje shumë të bollshëm me dalje në ballkon dhe këndin e kuzhines të veçuar, duke vijuar më tej me dy dhoma gjumi ku dhoma matrimoniale ka tualet të dedikuar, si dhe një ballkon dhe një tualet të përbashkët.
Orientimi i apartamentit është nga lindja dhe me pamje të lire nga mali i Dajtit çka i mundëson ndriçim maksimal gjatë gjithë ditës.
Arredimi i apartamentit është realizuar me shumë shije nga arkitekt italian, ku vihet re paneli Smart Home i cili kryen një sërë funksionesh si komandimin e ndriçimit, kondicionereve etj, pajisjet e kuzhinës të markës Samsung, parketi cilesor etj.
Turdiu Center përveç vendndodhjes perfekte në qendër të qytetit, ka edhe një cilësi të lartë ndërtimi si: termoizolimi me fasadën e ventiluar, vetrata me dopioxham termik, izolim akustik, sistemet hidraulike dhe elektrike te markave të njohura Europiane, instalimet sistem kondicionim multisplit, etj.
Vendndodhja e apartamentit dhe komoditeti i tij ofrojnë një jetesë cilësore, por edhe një investim të sigurt duke qenë se mund të lihet me qira një shumë të kënaqshme.
