Apartamenti ka strukturë të rregullt dhe organizohet në një korridor hyrës i cili bën shpërndarjen në hapesirën e ndenjes dhe atë të gatimit, më tej vijon me një dhomë gjumi me dalje në ballkon dhe tualetin e përbashkët në korridor.
Ndërtimi në të cilin gjendet apartamenti është tejet cilësor dhe bashkëkohor ku përfshin termoizolimin e plotë, izolim akustik maksimal, ventilim individual për çdo njësi, lartësi dysheme-tavan 287cm dhe instalime të gatshme për panele diellore për çdo apartament në tarracën e përbashkët.
Zona ka një plan zhvillimi shumë të mirë me rrugë të ndërmjetme dhe komplekse banimi në formë blloqesh të rregullta. Ka facilitete të shumta, si: çerdhe, kopshte, shkolla, shërbim shëndetsor, linja urbane, markete, palestra, etj.
